پہلا اصول: حق معیشت میں مساوات اور اس کا مفہوم

پہلا اصول یہ ہے کہ حقِ معیشت میں تمام انسان مساوی اور برابر کے حق دار ہیں — رزق کے حصول میں فطری تنوع (Natural Diversity) کے باوجود، اللہ تعالیٰ نے کسی فرد کو بھی حقِ معیشت سے محروم نہیں رکھا۔ اس اصول کے ثبوت میں قرآن کریم کی متعدد آیات پیش کی گئی ہیں (جیسے وجعلنا لکم فیہا معایش، ہو الذی خلق لکم مافی الارض جمیعا وغیرہ) جو یہ ثابت کرتی ہیں کہ زمین کے وسائل بلاامتیاز ہر جان دار کی معیشت کے لیے مہیا کیے گئے ہیں۔