اسلام کے معاشی نظام کے فوائد و ثمرات

اگرچہ جدید علمی دور میں ''علم المعیشت'' پر بڑے بڑے علمائے یورپ نے ضخیم تصانیف لکھی ہیں، مگر آج تک عام رفاہیت (خوش حالی) کا حصول ممکن نہ ہوسکا کیونکہ دولت مخصوص طبقے کے ہاتھوں میں سمٹ آئی ہے۔ اس کے برخلاف، اسلام کے ظہور سے لے کر خلافتِ راشدہ کے دور تک، بلالحاظ مسلم وکافر ومشرک، عام خوش حالی کا دور تھا، کیونکہ ہر چھوٹے بڑے، اجیر ومستاجر کو اپنی محنت کا حق ادا کرنے والا نظام رائج تھا — تاریخ گواہ ہے کہ اس دور میں صدقات کا مال قبول کرنے والا کوئی شخص میسر نہ آتا تھا۔