صالح معاشی نظام کی ضرورت اور اہمیت

کائناتِ ہست وبود میں ایک صالح معاشی نظام کی ضرورت ہر انسان کے اندر موجود فطری جذبے سے واضح ہوتی ہے، مگر افرادی کشمکش اور وسائلِ حیات کی کھینچا تانی سے خدائے تعالیٰ کا وضع کردہ قانونِ فطرت متاثر ہوتا ہے۔ ایسا نظام صرف اسی وقت وجود میں آسکتا ہے جب لوگوں کے درمیان بنیادی عدل اور حقِ معیشت میں مساوات پر مبنی تعاون واشتراک ہو۔ ایک صالح معاشی نظام کے چار بنیادی اصول ہیں: ہر فرد کو معاشی زندگی سے محروم نہ رکھا جائے؛ وسائلِ معیشت کا قلع قمع (لوٹ مار) کرنے والے اسباب نہ ہوں؛ دولت کسی خاص فرد یا محدود جماعت کے اندر مقید نہ ہو؛ اور محنت وسرمایہ کے درمیان صحیح توازن قائم رہے۔