غلبہ دین کی عصری اہمیت

مولانا عبیداللہ سندھی مشرق یورپ اور جدید انقلابات کا تجزیہ کرتے ہوئے فرماتے ہیں کہ بیسویں صدی کے نصف اول میں بڑی بڑی سلطنتیں تباہ ہوئیں، بادشاہ، سپہ سالار اور امراء طرح طرح قتل کئے گئے، وہ طبقے جو علم و حکمت اور عزت و دولت کے نشے میں مست تھے، زمانے کی ایک عمیق ٹھوکر میں غرق ہوگئے، نہ ان کا کوئی قدردان رہا اور نہ ان کی عزت کا پرسان حال۔ انقلاب کا یہ فلسفہ خدا کے وجود کاصراحۃً انکار کرتا ہے، لیکن اس کا دعویٰ اور کوشش یہ ہے کہ ساری خلق خدا بغیر کسی رنگ، نسل، ملک ومذہب کی تمیز آزادی، مساوات اور اقتصادی خوشحالی کی نعمتوں سے یکساں فیض یاب ہو، یہ فلسفہ مظلوموں کوانصاف دلاتا ہے۔ انقلاب کا لادینی فلسفہ جو آگ کی طرح ساری دنیا میں پھیل رہا ہے! تمہارے ملکوں کو دو سرے طبقوں کی جانب دشمن بنادے گا اور اگر تمہاری غفلت وہ ان کے دشمنی اٹھی تو اس آگ کے شعلے تمہیں جلا کر خاک کر دیں گے۔ لیکن اس کے ساتھ تمہارے مذہب اور علم وکلچر کی بھی خیر نہ ہو گی۔ انقلاب اور اس کے لادینی فلسفے کے ہولناک نتائج سے بچناچاہتے ہو تو دینی انقلاب کا سا کوئی ایسے دینی فلسفہ کو اختیار کرو، جس کے ذریعے تم خدا کے منتظر مظلوم خلق کو خوش حال بناسکو۔