شاہ صاحب کی نظر میں محنت کی عظمت

شاہ صاحبؒ کی نظر میں محنت کی عظمت یہ ہے کہ وہی پیدائشِ دولت کا اصل الاصول ہے — اللہ تعالیٰ نے اپنی مخلوق کے لیے زمین کے تمام وسائل مباح اور مشترک بنائے، مگر جب ان وسائل پر تصرف کا حق طے کرنے کی ضرورت پیش آئی تو اللہ تعالیٰ نے محنت و مشقت کے ذریعے سبقت لے جانے ہی کو ملکیت کے حصول کا معیار قرار دیا، نہ کہ محض سرمائے کی موجودگی کو۔ یہی وجہ ہے کہ اسلام کا اقتصادی نظام محنت کش کے استحصال کو ہر صورت میں مسترد کرتا ہے۔