محنت، حقیقی اور اصل پیدائش دولت

امام شاہ ولی اللہ دہلویؒ اپنی کتاب ''حجۃ اللہ البالغہ'' کے باب ''ابواب ابتغاء الرزق'' میں سب سے پہلے محنت کی عظمت واہمیت پر گفتگو کرتے ہیں: اللہ تعالیٰ نے جب مخلوق کو پیدا کیا تو زمین میں ان کی معاشی حیات کے لیے سب کچھ سامان مہیا کرکے سب کے لیے مباح اور عام کردیا، لیکن جب لوگ اس (مباح مال) سے منتفع ہونے میں باہم ٹکرانے لگے تو اللہ تعالیٰ نے حکم دیا کہ جو شخص محنت ومشقت کے ذریعے کسی قدرتی چیز کو سبقت لے کر اپنے قبضے میں کرلے، وہی اس کا حق دار ہے — یعنی محنت ہی دولت کی حقیقی اور اصل پیدائش کا ذریعہ ہے۔